ТӨРИЙН ДЭЭД ШАГНАЛ ХҮРТСЭН ИРГЭДДЭЭ ШАГНАЛЫГ ГАРДУУЛЛАА
Зуны дунд хөх морин сарын шинийн арван гурваны өдөр Дүүргийн Иргэдийн Төлөөлөгчдийн Хурлын дарга Б.Сэмжидмаа эрхэлсэн ажилдаа олон жил үр бүтээлтэй ажилласан зарим иргэдэд төрийн дээд одон, медалийг гардуулж өглөө.
Энэ өдөр Монгол улсын Ерөнхийлөгчийн зарлигаар Улаанбаатар төмөр замд 30 гаруй жил үр бүтээлтэй ажилласан Зам тээврийн салбарын ахмад ажилтан Н.Санжид “Алтан гадас” одон, Хууль зүйн салбараас Монголын өмгөөлөгчдийн холбооны гишүүн О.Алтанчулуу “Алтан гадас” одон, Худалдаа, үйлчилгээний салбарын ахмад ажилтан Г.Цэрмаа “Алтан гадас” одонгоор тус тус шагнагдсан юм.
